Sosial şəbəkələrdə son zamanların məşhur trendi - ASMR videolarını insanları çoxu izləyir. Həmin videolarda səslər incə şəkildə qeydə alınır. Məsələn sabun kəsərkən, yemək yeyərkən, müxtəlif əşyalar vasitəsilə və s. şəkildə çıxan səslər əksər şəxslərə müsbət təsir göstərir, sanki bir dinclik və rahatlıq tapırlar.

Psixoloq Gövhər Məmmədova Missiya.Az-a açıqlamasında deyib ki, bu videolara baxdıqca, qulaq asdıqca insanların beyinlərində sinir boşalması yaranır.

“Həmçinin endorfin hormonu ifraz olunur. Sözügedən hormon bədənin təbii ağrıkəsicisidir. Endorfin stressdən qurtulmağa yardım edir. Sözügedən səsləri yuxu öncəsi də dinləyib, rahat yatmaq mümkündür. Həmin səsləri kiçik bir meditasiya növü adlandırmaq olar”, - psixoloq əlavə edib.

Zərintac Mayisqızı
Missiya.Az