Mayın 5-7-də Moskvada Xəzər dənizi üzrə Yüksək Səviyyəli İşçi Qrupunun (YSİQ) 10-cu iclası keçirilib.

Missiya.Az “Report”a istinadən xəbər verir ki, tədbirdə Azərbaycandan xarici işlər nazirinin müavini Samir Şərifovun başçılıq etdiyi nümayəndə heyətləri ilə yanaşı, İran, Qazaxıstan, Rusiya və Türkmənistandan olan nümayəndə heyətləri iştirak ediblər.

İclasa Rusiya nümayəndə heyətinin rəhbəri Mixail Petrakov sədrlik edib.

Görüş zamanı Xəzər dənizində birbaşa baza xətlərinin yaradılması üsulları müzakirə olunub. Tədbir zamanı tərəflər Xəzər dənizində əməkdaşlığa nəzər salıb və xarici işlər nazirlərinin növbəti görüşünə hazırlıqla bağlı məsələləri müzakirə ediblər.

Nümayəndə heyətinin üzvləri danışıqların nəticələrini müsbət qiymətləndirib və yüksək təşkilatçılıq səviyyəsinə görə Rusiya Federasiyasına minnətdarlıqlarını bildiriblər. YSİQ-nin növbəti iclası diplomatik kanallar vasitəsilə razılaşdırılmış vaxtda Türkmənistanda keçiriləcək.