Missiya.Az APA-ya istinadən xəbər verir ki, Ukraynanın “Forbes” jurnalının 2024-cü il dövlət büdcəsinin icrasının nəticələrinin təhlilinə əsasən, dövlət borcunun ÜDM-yə nisbəti 92% təşkil edib. 

Dövlət borcunun strukturunda ən böyük hissəsini (96%) birbaşa dövlət borcları, qalan 4%-ni isə dövlət zəmanəti ilə borclar təşkil edir. Müqayisə üçün: 2023-cü ildə dövlət borcu 5,5 trilyon qrivna (129,7 milyard dollar) və ya ÜDM-in 84%-ni təşkil edib. Dövlət borcunun artması hərbi vəziyyət şəraitində büdcənin maliyyələşdirilməsi üçün tələb olunan əhəmiyyətli xarici və daxili borclar hesabına baş verib. Dövlət borcunun artmasında digər mühüm amil isə qrivnanın məzənnəsinin dünyanın aparıcı valyutalarına nisbətən zəifləməsidir. 

Nəşr göstərir ki, 2021-ci ildə dövlət borcunun həcmi 2,67 trilyon qrivna (təxminən 63,7 milyard dollar) və ya ÜDM-in 49%-ni təşkil edib.